Dil Dukhta Hai | Urdu Poetry | Raaz Ki Batain

Dil Dukhta Hai | Urdu Poetry | Raaz Ki Batain | Khuwab naak Afsane

دِل دُکھتا ہے

آباد گھروں سے دور کہیں

جب بنجر بَن میں آگ جلے

دِل دُکھتا ہے

پردیس کی بوجھل راہوں میں

جب شام ڈھلے

دِل دُکھتا ہے

جب رات کا قاتل سناٹا

پُرہول فضا کے وہم لیے

قدموں کی چاپ کے ساتھ چلے

دِل دُکھتا ہے

جب وقت کا "نابینا جوگی"

کچھ ہنستے بستے چہرے پر

بے دَرد رُتوں کی خاک مَلے

دِل دُکھتا ہے

جب شہ رگ میں محرومی کا

نشتر ٹوٹے

دِل دُکھتا ہے

جب ہاتھ سے ریشم رِشتوں کا

دامن چھوٹے

دِل دُکھتا ہے

جب تنہائی کے پہلو سے

انجانے درد کی لَے پُوٹے

دِل دُکھتا ہے

زرداب رُتوں کے سائے میں

جب پھول کِھلیں

دِل دُکھتا ہے

جب زخم دہکنے والے ہوں

اور خوشبو کے پیغام ملیں

اور اپنے دریدہ دامن کے

جب چاک سلیں

دِل دُکھتا ہے

جب آنکھیں خود سے خواب بُنیں

خوابوں میں بسرے چہروں کی

جب بھیڑ لگے

اس بھیڑ میں جب تم کھو جاؤ

دِل دُکھتا ہے

جب حبس بڑھے تنہائی کا

جب خواب جلیں، جب آنکھ بُجھے

تم یاد آؤ

دِل دُکھتا ہے!

Comments

Mat Qatal Kro Awazoon Ko Poem By Ahmad Faraz | Raaz Ki Batain | Khuwab Naak Afsane

مت قتل کرو آوازوں کو تم اپنے عقیدوں کے نیزے ہر دل میں اتارے جاتے ہو ہم لوگ محبت والے ہیں تم خنجر کیوں لہراتے ہو اس شہر میں نغمے بہنے دو بستی میں ہمیں بھی رہنے دو ہم پالنہار ہیں پھولوں کے ہم خوشبو کے رکھوالے ہیں تم کس کا لہو پینے آئے ہو ہم پیار سکھانے والے ہیں اس شہر میں پھر کیا دیکھو گے جب حرف یہاں مر جائے گا جب تیغ پہ لے کٹ جائے گی جب شعر سفر کر جائے گا جب قتل ہوا سر سازوں کا جب کال پڑا آوازوں کا جب شہر کھنڈر بن جائے گا پھر کس پہ سنگ اٹھاؤ گے اپنے چہرے آئینوں میں جب دیکھو گے ڈر جاؤ گے (احمد فراز)

Abb Chalakty Hoe Sagir Nhin Dakhy Jaty Tooba Ky Bad Ya Manzir Nhin Dakhy Jaty Urdu Ghazal By Ali Ahmed Jalili

اب چھلکتے ہوئے ساغر نہیں دیکھے جاتے توبہ کے بعد یہ منظر نہیں دیکھے جاتے مست کر کے مجھے اوروں کو لگا منہ ساقی یہ کرم ہوش میں رہ کر نہیں دیکھے جاتے ساتھ ہر ایک کو اس راہ میں چلنا ہوگا عشق میں رہزن و رہبر نہیں دیکھے جاتے ہم نے دیکھا ہے زمانے کا بدلنا لیکن ان کے بدلے ہوئے تیور نہیں دیکھے جاتے علی احمد جلیلی

Ghubar Main Thori Bht Kami Hojye Tumhra Nam Bh Sun Lo To Roshni Hojye Urdu Ghazal By Shahzad Ahmed

غبارِ طبع میں تھوڑی بہت کمی ہو جائے تمھارا نام بھی سُن لوں تو روشنی ہو جائے ذرا خیال کرو، وقت کس قدر کم ہے میں جو قدم بھی اُٹھا لوں ، وہ آخری ہو جائے قیامتیں تو ہمیشہ گزرتی رہتی ہیں عذاب اُس کے لئے جس کو آگہی ہو جائے گزر رہے ہیں مرے رات دن لڑائی میں میں سوچتا ہوں کہ مجھ کو شکست ہی ہو جائے عجیب شخص ہے تبدیل ہی نہیں ہوتا جو اُس کے ساتھ رہے چند دن وہی ہو جائے مرا نصیب کنارہ ہو یا سمندر ہو جو ہو گئی ہے، تو لہروں سے دشمنی ہو جائے تمام عمر تو دوری میں کٹ گئی میری نہ جانے کیا ہو؟ اگر اس سے دوستی ہو جائے بس ایک وقت میں ساری بلائیں ٹوٹ پڑیں اگر سفر یہ کٹھن ہے تو رات بھی ہو جائے میں سو نہ جاؤں جو آسانیاں میسر ہوں میں مر نہ جاؤں اگر ختم تشنگی ہو جائے نہیں ضرور کہ اونچی ہو آسمانوں سے یہی بہت ہے زمیں پاؤں پر کھڑی ہو جائے تمام عمر سمٹ آئے ایک لمحے میں میں چاہتا ہوں کہ ہونا ہے جو ابھی ہو جائے وہی ہوں میں وہی امکاں کے کھیل ہیں شہزادؔ کبھی فرار بھی ممکن نہ ہو، کبھی ہ...

Masoom Pathani

Search This Blog