Masoom Pathani

  یہ اور بات کہ رنگ بہار کم ہوگا نئی رتوں میں درختوں کا بار کم ہوگا تعلقات میں آئی ہے بس یہ تبدیلی ملیں گے اب بھی مگر انتظار کم ہوگا میں سوچتا رہا کل رات بیٹھ کر تنہا کہ اس ہجوم میں میرا شمار کم ہوگا پلٹ تو آئے گا شاید کبھی یہی موسم ترے بغیر مگر خوش گوار کم ہوگا بہت طویل ہے آنسؔ یہ زندگی کا سفر بس ایک شخص پہ دار و مدار کم ہوگا آنس معین

  نیند آتی ہے مگر خواب نہیں آتے ہیں مجھ سے ملنے مرے احباب نہیں آتے ہیں شہر کی بھیڑ سے خود کو تو بچا لاتا ہوں گو سلامت مرے اعصاب نہیں آتے ہیں تشنگی دشت کی دریا کو ڈبو دے نہ کہیں اس لیے دشت میں سیلاب نہیں آتے ہیں ڈوبتے وقت سمندر میں مرے ہاتھ لگے وہ جواہر جو سر آب نہیں آتے ہیں یا انہیں آتی نہیں بزم سخن آرائی یا ہمیں بزم کے آداب نہیں آتے ہیں ہم نشیں دیکھ مکافات عمل ہے دنیا کام کچھ بھی یہاں اسباب نہیں آتے ہیں رمزی آثم  

  کیا ہے پیار جسے ہم نے زندگی کی طرح وہ آشنا بھی ملا ہم سے اجنبی کی طرح کسے خبر تھی بڑھے گی کچھ اور تاریکی چھپے گا وہ کسی بدلی میں چاندنی کی طرح بڑھا کے پیاس مری اس نے ہاتھ چھوڑ دیا وہ کر رہا تھا مروت بھی دل لگی کی طرح ستم تو یہ ہے کہ وہ بھی نہ بن سکا اپنا قبول ہم نے کیے جس کے غم خوشی کی طرح کبھی نہ سوچا تھا ہم نے قتیلؔ اس کے لیے کرے گا ہم پہ ستم وہ بھی ہر کسی کی طرح قتیل شفائی  

  تارے جو کبھی اشک فشانی سے نکلتے ہم چاند اٹھائے ہوئے پانی سے نکلتے خاموش سہی مرکزی کردار تو ہم تھے پھر کیسے بھلا تیری کہانی سے نکلتے مہلت ہی نہ دی گردش افلاک نے ہم کو کیا سلسلۂ نقل مکانی سے نکلتے اک عمر لگی تیری کشادہ نظری میں اس تنگئ داماں کو گرانی سے نکلتے بس ایک ہی موسم کا تسلسل ہے یہ دنیا کیا ہجر زدہ خواب جوانی سے نکلتے وہ وقت بھی گزرا ہے کہ دیکھا نہیں تم نے صحراؤں کو دریا کی روانی سے نکلتے شاید کہ سلیمؔ امن کی صورت نظر آتی ہم لوگ اگر شعلہ بیانی سے نکلتے سلیم کوثر  

  ہوئی ہے شام تو آنکھوں میں بس گیا پھر تو کہاں گیا ہے مرے شہر کے مسافر تو مری مثال کہ اک نخل خشک صحرا ہوں ترا خیال کہ شاخ چمن کا طائر تو میں جانتا ہوں کہ دنیا تجھے بدل دے گی میں مانتا ہوں کہ ایسا نہیں بظاہر تو ہنسی خوشی سے بچھڑ جا اگر بچھڑنا ہے یہ ہر مقام پہ کیا سوچتا ہے آخر تو فضا اداس ہے رت مضمحل ہے میں چپ ہوں جو ہو سکے تو چلا آ کسی کی خاطر تو فرازؔ تو نے اسے مشکلوں میں ڈال دیا زمانہ صاحب زر اور صرف شاعر تو احمد فراز

  ہم خسارے کے سودے کر رہے ہیں نہ جانے کیوں ہمارے یہاں کسی کو بھی رات کو جلدی سونے کے لیے کہہ دو تو وہ چڑ جاتا ہے۔ بقول ان کے نو دس بجے سونے والے پینڈو ہوتے ہیں۔  اکثریت یہ کہتی ہے کہ اتنی جلدی بھی کوئی سوتا ہے۔ ہمارے بڑوں نے ہمیشہ کہا کہ دن چڑھے تک سونا نحوست ہوتا ہے، ہم نے کبھی ان چیزوں پر کان نہیں رکھے یہی کہا کہ کیسی نحوست، نیند تو نیند ہوتی ہے۔ ہم سب بڑے شوق سے نحوست earn کرتے ہیں، اور پھر یہ کہتے ہیں کہ یار میرے کام نہیں بنتے، بے چینی سی ہے، کہیں دل نہیں لگتا، سب کچھ چھوڑ چھاڑ کر کہیں بھاگ جانے کو دل چاہتا ہے وغیرہ وغیرہ۔ وہ تمام گھر جہاں دن چڑھے سونے اور رات گئے تک جاگنے کا رواج ہے، میں نے ان میں کئی نفسیاتی بیماریاں، مسائل اور اذیتیں دیکھی ہیں۔ یہ کوئی ایک گھر نہیں ہے،یہ بے شمار خاندان ہیں، بے شمار لوگ ہیں۔ ایک پورے خاندان کو تباہ ہوتے دیکھا ہے، وہ لوگ فخر کرتے تھے کہ ان کے یہاں بارہ بجے سے پہلے ناشتہ نہیں ہوتا۔اکثریت یہ کہتی ہے کہ صبح اٹھ کر کریں کیا، کرنے کے لیے کچھ ہوتا ہی نہیں۔ وہ جو پرانے وقتوں کی خواتین ہوتی تھیں، ان کے پاس کرنے کے لیے کیا ہوتا تھا؟ نہ فون……نہ کہیں آن

  " پتہ ہے مرد عورت کے لئے کیا ہوتا ہے؟ مرد عورت کے لئے ایک دروازہ ہوتا ہے اور دروازے کا کام راستہ دینا ہوتا ہے یا راستہ روکنا اور پتہ ہے اس دروازے نے میرا راستہ روک لیا ہے آگے جانے ہی نہیں دیتا میرا کیا ہر عورت کا رستہ روک دیا ہے آج تک آگے جانے نہیں دیا اسی لئے تو عورت پیغمبر ہوتی ہے نا ولی,وہ دروازہ کھولنے کی کوشش ہی نہیں کرتی وہیں اسی دروازے کی چوکھٹ پر بیٹھی رہتی ہے اسے ہی چومتی رہتی ہے سجدہ کرتی رہتی ہے دروازہ پھر رستہ کیوں نہ روکے " پتہ ہے عورت بیل کی طرح ہوتی ہے اور مرد دیوار کی طرح بیل ساری عمر دیوار کو ڈھونڈتی رہتی ہے تاکہ اوپر جاسکے نظروں میں آسکے جہاں تک دیوار جاتی ہے بیل بھی بس وہیں تک جاتی ہے بیل کو لگتا ہے دیوار نہ ہوتی تو وہ ذمین پر رلتی رہتی لوگوں کے پیروں تلے آتی پر ان کی نظروں میں نہ آتی وہ ساری عمر دیوار کی مشکور رہتی ہے اسے سایہ دیتی ہے اپنے پھولوں سے سجاتی ہے سنوارتی ہے جب سوکھنے لگتی ہے تب بھی دیوار کے ساتھ چپکی رہتی ہے کسی چھپکلی کی طرح ختم ہونے کے بعد بھی اسے دیوار کا سہارہ چائیے اور دیوار اس کو کتنا فائدہ ہوتا ہے اس کا وجود بیل ڈھک دیتی ہے اس کے

  لوگوں کی رائے اور سوچ سے تنگ دل ہونا چھوڑ دیجئے … وہ تو صرف اپنی رائے کا اظہار کرتے ہوئے گزر جاتے ہیں … اُس کے مثبت پن یا منفیت سے فائدہ یا سبق ہم نے خود حاصل کرنا ہوتا ہے … وہ ہماری حقیقت نہیں بدل سکتے … صلاحیتیں بھی نہیں چھین سکتے… مثلًا آپ اپنی گنجائش کے حساب سے کمرے کی تعمیر شروع کریں تو کوئی کہے گا دیوار تو نو کی بجائے تیرہ انچ کی مضبوط بنتی… کوئی لکڑی کی چھت کا مشورہ دے گا… کوئی لوہے کی… کوئی لنٹر کو مضبوط تر تصور کروائے گا… کوئی کہے گا  منہ مشرق کی طرف رکھتے… کوئی شمال کا مشورہ دے گا تو یقینًا ہم مشورے دینے والوں کو اینٹ تو اُٹھا کر نہیں دے ماریں گے بلکہ ان مشوروں کی روشنی میں اپنے نفع و نقصان اور گنجائش کے حساب سے تعمیری کام کریں گے … سو تنگ دلی کی بجائے سوچوں کا احترام کرتے ہوئے مسکرائیے…اور آگے بڑھیے …!!!  

ہر تمنا دل سے رخصت ہو گئی '' لیجئے فرصت ہی فرصت ہو گئی کون سمجھائے در و دیوار کو جن کو تیرے دید کی لت ہو گئی ہم نہیں اب بارشوں کے منتظر اب ہمیں صحرا کی عادت ہو گئی سرحدوں کی بستیوں سا دل ہوا وحشتوں کی جن کو عادت ہو گئی ساحلوں پر کیا گھروندوں کا وجود ٹوٹنا ہی ان کی قسمت ہو گئی راحتوں کی بھی طلب باقی نہیں درد سے ایسے محبت ہو گئی نینا سحر      

  جان لو تم، تو پھر خسارہ نہیں کیا تمہارا ہے، کیا تمہارا نہیں جس طرح سے گذر رہی ہے مری اس طرح سے مرا گذارا نہیں ابھی سے بے رخی یہ ہے کیونکر ابھی ہم نے تمہیں پکارا نہیں تو جو سمجھا ہے ٹھیک سمجھا ہے ویسے تیری طرف اشارہ نہیں عمر بھر کا نچوڑ ہے میری زندگی آنکھ ہے نظارہ نہیں زیست ، نصف النہار ہے ابر سرمئی شام کا نظارہ نہیں اتباف ابرک    

محبت کی اسیری سے رہائی مانگتے رہنا بہت آساں نہیں ہوتا جدائی مانگتے رہنا ذرا سا عشق کر لینا،ذرا سی آنکھ بھر لینا عوض اِس کے مگر ساری خدائی مانگتے رہنا کبھی محروم ہونٹوں پر دعا کا حرف رکھ دینا کبھی وحشت میں اس کی نا رسائی مانگتے رہنا وفاؤں کے تسلسل سے محبت روٹھ جاتی ہے کہانی میں ذرا سی بے وفائی مانگتے رہنا عجب ہے وحشت ِ جاں بھی کہ عادت ہو گئی دل کی سکوتِ شام ِ غم سے ہم نوائی مانگتے رہنا کبھی بچے کا ننھے ہاتھ پر تتلی کے پر رکھنا کبھی پھر اُس کے رنگوں سے رہائی مانگتے رہنا نوشی گیلانی  

  نہ ہے اس کو مجھ سے غفلت نہ وہ ذمے دار کم ہے پہ الگ ہے اس کی فطرت وہ وفا شعار کم ہے مری حسرتیں مٹیں گی مرے خواب ہوں گے پورے مجھے اپنے اس یقیں پر ذرا اعتبار کم ہے نہ بڑھائے اور دوری کوئی آنے والا موسم چلو فاصلے مٹا لیں کہ ابھی درار کم ہے یہ تم ہی پہ منحصر ہے کہ تم آؤ یا نہ آؤ میں بھلا یہ کیسے کہہ دوں مجھے انتظار کم ہے یہی چاہتے تھے ہم بھی کہ نہ راز دل عیاں ہو مگر اپنے آنسوؤں پر ہمیں اختیار کم ہے وہ اٹھا تھا ایک طوفاں جو مچا گیا تباہی ابھی آندھیاں تھمی ہیں تو ابھی غبار کم ہے کہیں کھو گئے تصور جو بکھر گیا تخیل تو شفاؔ یہ کیسے کہہ دے کہ وہ بے قرار کم ہے شفا کجگاؤنوی    

  وہ اگر اب بھی کوئی عہد نبھانا چاہے دل کا دروازہ کھلا ہے جو وہ آنا چاہے عین ممکن ہے اسے مجھ سے محبت ہی نہ ہو دل بہر طور اسے اپنا بنانا چاہے دن گزر جاتے ہیں قربت کے نئے رنگوں سے رات پر رات ہے وہ خواب پرانا چاہے اک نظر دیکھ مجھے!! میری عبادت کو دیکھ !! بھول پائے گا اگر مجھ کو بھلانا چاہے وہ خدا ہے تو بھلا اس سے شکایت کیسی؟ مقتدر ہے وہ ستم مجھ پہ جو ڈھانا چاہے خون امڈ آیا عبارت میں، ورق چیخ اٹھے میں نے وحشت میں ترے خط جو جلانا چاہے نوچ ڈالوں گی اسے اب کے یہی سوچا ہے گر مری آنکھ کوئی خواب سجانا چاہے فریحہ نقوی