Ijazat Hai Poem By Saeed Ashar Sahab

اجازت ہے

مجھے منظر سے باہر اب نکلنا ہے

اجالا جس طرح کا ہو

اندھیرے کا پڑوسی ہے

پڑوسی گرچہ کافر ہو

وہ اپنا حق تو رکھتا ہے

پرندوں اور درختوں کا بھی حق ہے

محبت سب کے اندر ہے

پرندہ ہے، زمیں کا کوئی خطہ ہے

نہ تختی ہے مکانوں کی

محبت اک مسافر ہے

مسافر گر مکیں ہوگا

تو وہ تالاب کا پانی

محبت ایک ندیا ہے

ہر اک ندیا سمندر کا کنارہ ہے

مجھے کس نے پکارا ہے

مجھے منظر سے باہر اب نکلنا یے

مجھے میرا ارادہ چاہیے ہے

مرے سارے تعلق واسطے مرہون ہیں اس کے

ارادہ وہ جو نیت کا بھی تابع ہے

کوئی نیت ثمر آور نہیں ہوتی اکیلے میں

اسے بھی آئنہ درکار ہوتا ہے"

مجھے منظر سے باہر اب نکلنا ہے

"مرے مرشد

مجھے تو ناچ گانے سے بہت رغبت رہی ہے

یہ سجدے میری پیشانی کا سورج بن نہیں سکتے

مجھے کچھ مردہ روحوں کی بھی سرگوشی سے دلچسپی رہی ہے

مری گٹھری میں جادو کے بھی گولے ہیں.

اجازت ہے! میں ایسا رخت اپنے ساتھ رکھنا چاہتا ہوں"

صدا کی گونج باقی ہے

"اجازت ہے"

مت قتل کرو آوازوں کو تم اپنے عقیدوں کے نیزے ہر دل میں اتارے جاتے ہو ہم لوگ محبت والے ہیں تم خنجر کیوں لہراتے ہو اس شہر میں نغمے بہنے دو بستی میں ہمیں بھی رہنے دو ہم پالنہار ہیں پھولوں کے ہم خوشبو کے رکھوالے ہیں تم کس کا لہو پینے آئے ہو ہم پیار سکھانے والے ہیں اس شہر میں پھر کیا دیکھو گے جب حرف یہاں مر جائے گا جب تیغ پہ لے کٹ جائے گی جب شعر سفر کر جائے گا جب قتل ہوا سر سازوں کا جب کال پڑا آوازوں کا جب شہر کھنڈر بن جائے گا پھر کس پہ سنگ اٹھاؤ گے اپنے چہرے آئینوں میں جب دیکھو گے ڈر جاؤ گے (احمد فراز)

Ghubar Main Thori Bht Kami Hojye Tumhra Nam Bh Sun Lo To Roshni Hojye Urdu Ghazal By Shahzad Ahmed

غبارِ طبع میں تھوڑی بہت کمی ہو جائے تمھارا نام بھی سُن لوں تو روشنی ہو جائے ذرا خیال کرو، وقت کس قدر کم ہے میں جو قدم بھی اُٹھا لوں ، وہ آخری ہو جائے قیامتیں تو ہمیشہ گزرتی رہتی ہیں عذاب اُس کے لئے جس کو آگہی ہو جائے گزر رہے ہیں مرے رات دن لڑائی میں میں سوچتا ہوں کہ مجھ کو شکست ہی ہو جائے عجیب شخص ہے تبدیل ہی نہیں ہوتا جو اُس کے ساتھ رہے چند دن وہی ہو جائے مرا نصیب کنارہ ہو یا سمندر ہو جو ہو گئی ہے، تو لہروں سے دشمنی ہو جائے تمام عمر تو دوری میں کٹ گئی میری نہ جانے کیا ہو؟ اگر اس سے دوستی ہو جائے بس ایک وقت میں ساری بلائیں ٹوٹ پڑیں اگر سفر یہ کٹھن ہے تو رات بھی ہو جائے میں سو نہ جاؤں جو آسانیاں میسر ہوں میں مر نہ جاؤں اگر ختم تشنگی ہو جائے نہیں ضرور کہ اونچی ہو آسمانوں سے یہی بہت ہے زمیں پاؤں پر کھڑی ہو جائے تمام عمر سمٹ آئے ایک لمحے میں میں چاہتا ہوں کہ ہونا ہے جو ابھی ہو جائے وہی ہوں میں وہی امکاں کے کھیل ہیں شہزادؔ کبھی فرار بھی ممکن نہ ہو، کبھی ہ...

Lyjati Hy Us Simat Hamy Gardish Doran Ay Dost Kharabat Sy Kia Kam Hamara Urdu Ghazal By Syed Abdul Hameed Adam

لے جاتی ہے اُس سمت ہمیں گردشِ دوراں اے دوست، خرابات سے کیا کام ہمارا کر لیتے ہیں تخلیق کوئی وجہِ اذیّت بھاتا نہیں خُود ہم کو بھی آرام ہمارا اے گردشِ دوراں یہ کوئی سوچ کی رُت ہے کمبخت ابھی دَور میں ہے جام ہمارا اِس بار تو آیا تھا اِدھر قاصدِ جاں خُود سرکار کو پہنچا نہیں پیغام ہمارا پہنچائی ہے تکلیف بہت پہلے ہی تُجھ کو اے راہ نُما، ہاتھ نہ اب تھام ہمارا اے قافلہء ہوش گَنوا وقت نہ اپنا پڑتا نہیں کُچھ ٹھیک ابھی گام ہمارا گُل نوحہ کُناں اور صنم دَست بہ سِینہ اللہُ غنی! لمحہء اَنجام ہمارا سیّد عبدالحمید عدم

Masoom Pathani

Search This Blog